Denov tadbirkorlik va pedagogika institutida qish mavsumini betalafot o‘tkazish maqsadida muhim infratuzilma yangilanishlari amalga oshirildi. Shahar elektr tarmoqlari korxonasi mutaxassislari tomonidan ta’lim muassasasi hududiga zamonaviy elektr transformatori o‘rnatildi.
Ushbu yangilanish talaba-yoshlar, professor-o‘qituvchilar hamda institut xodimlarining uzluksiz va barqaror elektr energiyasi bilan ta’minlanishiga xizmat qiladi. Ayniqsa, qishning sovuq kunlarida yuzaga kelishi mumkin bo‘lgan nosozliklarning oldini olish va ta’lim jarayonining uzluksizligini ta’minlashda yangi transformatorning ahamiyati beqiyosdir.
Mutaxassislar tomonidan barcha texnik talablar asosida sifatli montaj ishlari bajarilib, transformator tizimi to‘liq foydalanishga topshirildi. Ushbu ishlar institut infratuzilmasining ishonchliligini oshirish va ta’lim jarayoni uchun qulay sharoit yaratishga xizmat qilmoqda.
