Angor tumanida aholi turmush sharoitini yaxshilashga qaratilgan qurilish va obodonlashtirish ishlari izchil davom etmoqda. Viloyat hokimi Ulug‘bek Qosimov 30-noyabr kuni Qadimiy Angor va Kattaqum mahallalarida bergan topshiriqlari asosida hududlarda amaliy ishlar jadal sur’atlarda olib borilmoqda.
Mahallalarda ichimlik suvi quvurlarini tortish, zovurlarni qazish, ichki yo‘llarni ta’mirlash va infratuzilmani yaxshilash bo‘yicha keng ko‘lamli faoliyat boshlangan. Ushbu ishlar aholining kundalik hayotini qulay va xavfsiz qilishga xizmat qilmoqda.
