Surxondaryo viloyatida sud-ekspertiza xizmatlarining sifatini oshirishga qaratilgan muhim qadam sifatida X. Sulaymonova nomidagi Respublika sud ekspertiza markazining yangi binosi foydalanishga topshirildi. Tantanali tadbirda Adliya vazirligi va viloyat hokimligi rahbarlari, sud-huquq organlari vakillari hamda OAV xodimlari ishtirok etdi.
Yangi bino zamonaviy texnologiyalar bilan jihozlanib, ilk bor viloyatda Odam DNKsi sud-biologik ekspertizasi laboratoriyasi faoliyati yo‘lga qo‘yildi. Endilikda fuqarolar biologik ota-onalikni aniqlash xizmatidan bevosita Surxondaryoning o‘zida foydalanishi mumkin. Bu esa aholiga katta qulaylik yaratib, vaqt va mablag‘ni tejash, sud-tergov jarayonlarida esa aniqlik va tezkorlikni oshirishga xizmat qiladi.
Tadbir doirasida sud-tergov organlari xodimlari va advokatlar uchun yangi laboratoriyaning ishlash tartibi hamda sohadagi yangiliklarga bag‘ishlangan seminar o‘tkazildi. Mazkur laboratoriyaning ishga tushirilishi adolatni ta’minlash, fuqarolarning huquq va manfaatlarini ishonchli himoya qilish, sud-ekspertiza xizmatlarining shaffofligi va samaradorligini yanada kuchaytiradigan muhim bosqich bo‘ldi.
