Boysun tumanida O‘zbekiston Qizil yarim oy jamiyatining 100 yilligi munosabati bilan tantanali tadbir bo‘lib o‘tdi. Unda jamiyatning insonparvarlik, mehr-oqibat va ko‘ngillilik tamoyillariga asoslangan faoliyati, aholini qo‘llab-quvvatlash borasida qilgan ezgu ishlari yuksak e’tirof etildi.
Tadbir davomida jamiyat ustavida belgilangan vazifalar ijrosiga munosib hissa qo‘shgan tashkilotlar, muassasa rahbarlari va faol hamkorlarga esdalik sovg‘alari hamda tashakkurnomalar topshirildi.
Ushbu e’tirof — insonparvarlik, birdamlik va ezgulik qadriyatlarini yurtimizda keng targ‘ib etishga qo‘shilgan munosib hissaning yuksak qadrlanishidir. Qizil yarim oy jamiyati bugun ham jamiyatimizda mehr-muruvvatning ishonchli ramzi bo‘lib qolmoqda.
