Norquvvat To‘rayev uzoq yillar jurnalistika sohasida samarali mehnat qilib, viloyat matbuoti rivojiga munosib hissa qo‘shib kelmoqda. U yangilikka intiluvchan, xalqimiz hayotida yuz berayotgan ijobiy o‘zgarishlarni uyg‘oq qalb bilan qarshi oladigan jurnalist.
Jurnalistika va ta’lim sohalariga qo‘shgan hissalari uchun 2013-yil “Do‘stlik” ordeni bilan mukofotlangan. “O‘zbekiston Respublikasi xalq ta’limi a’lochisi” ko‘krak nishonlari bilan taqdirlangan faxriy ustoz ayni kunlarda 70 yoshda. Faxriy jurnalist Norquvvat To‘rayevni qutlash maqsadida O‘zbekiston Jurnalistlar uyushmasi viloyat bo‘limi tomonidan “Ijod abadiy yashaydi” mavzusida adabiy kecha o‘tkaziladi.
Ijodiy kechada ustozning yaqinlari, shogirdlari, hamkasblari, do‘stlari jurnalist va muharrir, tadqiqotchi olim Norquvvat To‘rayevning 70 yoshga to‘lishi munosabati bilan samimiy qutlashdi.
