Zamonaviy raqs va turli murakkab jismoniy mashqlarni o‘zida mujassam etgan gimnastrada mamlakatimizda tobora ommalashmoqda. Bu esa yoshlarni jismoniy chiniqtirish bilan birga san’atga oshno etadi. Ayniqsa, ushbu sport turiga qiziquvchi yoshlar safi kun sayin oshib bormoqda.
Termiz shahridagi Surxon arenasida “Besh tashabbus olimpiadasi” doirasida sportning gimnastrada yo‘nalishi bo‘yicha viloyat bosqichi bo‘lib o‘tdi. Bahslar qizg‘in va murosasiz o‘tdi. Asosiysi, mahoratlilar va kuchlilar sinovida munosiblar muvaffaqiyat qozondi. Natijalarga ko‘ra Oltinsoy tumani jamoasi birinchi o‘rinni qo‘lga kiritdi.
