Qishloq xo‘jaligi mahsulotlari yetishtirishda, ayniqsa, g‘alla, paxtachilikda har bir mavsumdan oqilona foydalanib, agrotexnik tadbirlarni o‘z vatida bajarish lozim. Ana shundagina mo‘l hosilga umid bog‘lasa bo‘ladi. Shu sabab, ayni kunlarda g‘o‘za maydonlarnida ham ana shunday tadbirlarga alohida e’tibor qaratilmoqda.
Angor tumani hokimi Qosim Mardonov “Zamin Angor cluster” MCHJga qarashli “Qorasuv”, “Mustaqillikning 10 yilligi” va “Tallimaron” hududlari, shuningdek, “Qushbegi avlodlari” fermer xo‘jaligida bo‘lib, g‘o‘za maydonlarida amalga oshirilayotgan ishlar bilan tanishdi. Fermerlar, agronomlar, brigadirlar va soha vakillari bilan muloqotlar davomida vegetatsiya mavsumini hisobga olgan holda sug‘orish, chilpish va o‘g‘itlash ishlarini o‘z vaqtida va sifatli tashkil etish zarurligi ta’kidlandi. Mas’ullarga aniq topshiriq va vazifalar yuklatildi.
