Jurnalistika bir hamla bilan zabt etiladigan fusunkor tepalik emas, u boshqa ko‘p sohalar kabi zahmatli mehnatni talab etadi. Hayotning zavqli damlari qog‘oz-u qalam ixtiyoriga o‘tadi.
— Barchangizga yurtimizda amalga oshirilayotgan islohotlarni, bunyodkorlik ishlarini keng ommaga tezkorlik va holislik bilan targ‘ib qilayotganingiz uchun tashakkur aytamiz, — deydi tuman hokimi Akbarali Ishmurzoyev. — Hech qachon xalq xizmatidan charchamangizlar. Bayram muborak bo‘lsin.
27 iyun – Matbuot va ommaviy axborot vositalari xodimlari kuni munosabati bilan Sho‘rchi tumani hokimi Akbarali Ishmurzoyev boshchiligida o‘tkazilgan tadbirda yurakdan chiqqan so‘z va qalb bilan qilingan xizmat sohibu sohibalari bo‘lgan bir guruh jurnalistlar va ommaviy axborot vositalari xodimlarining mehnati e’tirof etildi.
Jurnalistlar va ommaviy axborot vositalari xodimlari bilan samimiy suhbat bir piyola choy ustida davom etmoqda.
