Surxondaryo viloyati hokimi Ulug‘bek Qosimov Boysun tumanining tog‘li hududida joylashgan “Temir darvoza” mahallasida sayyor qabul o‘tkazdi. Qabulda ushbu hududga yaqin bo‘lgan “O‘rta Machay” va “Yuqori Machay” mahallalari fuqarolari ham ishtirok etdi.
Sayyor qabul davomida viloyat rahbari mutasaddi tashkilotlar va mas’ullar ishtirokida 45 nafar fuqaroning 64 ta turli masaladagi murojaatlarini tingladi. Ushbu murojaatlarning 11 tasi joyida hal etilib, qolganlari bo‘yicha mas’ullarga topshiriqlar berildi va ijrosi uchun aniq muddat belgilandi. Barcha masalalar alohida nazoratga olindi.
