“Vatan tayanchi” yo‘nalishida…

Yoshlarni Vatanga, ota-onaga, milliy va umuminsoniy qadriyatlarga hurmat ruhida tarbiyalash maqsadida Bolalar harakatining “Vatan tayanchi” yo‘nalishi sardorlari uchun respublika o‘quv-seminari boshlandi. Seminar Yoshlar ishlari agentligi, Mudofaa vazirligi, O‘zbekiston mahallalari uyushmasi va O‘zbekiston bolalar tashkiloti hamkorligida tashkil etildi.
Ishtirokchilar dastlab O‘zbekiston Respublikasi Qurolli Kuchlari markaziy muzeyiga tashrif buyurib, harbiy qurol-aslahalar va mamlakat mudofaa tizimiga oid shart-sharoitlar bilan tanishdilar. Shundan so‘ng, Qurolli Kuchlar akademiyasida o‘quv-seminarning rasmiy ochilish marosimi hamda “Rahbar va sardorlar” uchrashuvi bo‘lib o‘tdi.