Mobil ilova: Attraksionlarni nazorat qiladi

Ko‘ngilochar manzillar sifatida istirohat bog‘lariga borishni xush ko‘ramiz. Attraksionlarda uchish yuqori kayfiyat bag‘ishlab, zavqimizni oshiradi. Ammo attraksionlar bilan ko‘ngilsiz voqealar sodir bo‘lib, inson hayotida daxl qiluvchi ko‘ngilsizliklar ham sodir bo‘layotganini ko‘rib, kuzatib turibmiz. Texnik nosozliklar sabab bo‘layotgan bunday hodisalarning oldini olish yoki qandaydir chora toppish lozim. Zero, ko‘ngil yozaman deb borgan hech bir yosh o‘z uyiga sog‘-salomat yetib borsin.
Ana shunday holatlarning oldini olish maqsadida fuqarolar “attraksionnazorati” elektron platforma (mobil ilova) orqali attraksionlardagi nosozliklar, xavfsizlik talablari buzilayotgani va boshqa huquqbuzarliklar to‘g‘risida xabar berishlari mumkin. Vazirlar Mahkamasining 2024-yil 26-dekabrda qabul qilingan 886-sonli qaroriga muvofiq, bundan buyon O‘zbekistondagi barcha attraksionlarning Davlat reyestri tuziladi.
Belgilangan talablarni bajargan attraksionlar Davlat reyestriga kiritiladi va QR-kod beriladi. QR-kodlar attraksionga kirish joyida joylashtirilishi kerak. Mijozlar u orqali attraksion haqidagi barcha ma’lumotlarni bilib olishlari mumkin bo‘ladi.