Hozirgi globallashuv zamonida ekstremizm va terrorizm butun jahon miqyosida xavfli kuchga aylanib bormoqda. Afsuslar bo‘lsinki, xatto o‘z ichimizdan bu yo‘lga kirib vataniga, xalqiga va oilasiga xiyonat qilgan minglab yoshlar soni ortib bormoqda. Buning sababi terroristik tashkilotlarning ijtimoiy tarmoqlarda o‘zlarining g‘arazli g‘oyalarini yoshlar ongiga singdirishda dinni niqob qilib, ularni tuzog‘iga ilintirayotganliklaridadir.
Bu urinishlardan ko‘zlangan yagona maqsadlari xalifalik yoki islom amirligi davlati tuzish shiori ostida siyosiy hokimiyatni egallashdir. Shunday ekan, barchamiz ularga qarshi kurashda milliy ma’naviyatimiz, o‘zligimiz, e’tiqodimiz ramzi bo‘lgan dinimizdan foydalanishlariga yo‘l qo‘ymasligimiz kerak. Buning uchun avvalo, barchamiz musulmonlar sifatida haqiqiy dindan xabardor bo‘lishimiz darkor. Darhaqiqat, chin e’tiqodli, bilimli va mustaqil fikrlash kabi ko‘rinishlar biz yoshlarda, jamiyatimizning har bir a’zosida mujassam qilsak, biz hech qachon bunday guruhlarga qo‘shilib ketmaymiz.
B.Salixov,
O.Tojiyev,
Termiz tuman IIB mas’ul xodimlari
