5 shart bo‘yicha…

Har doim ham atrofdagilarga to‘g‘ri baho bera olmaymiz. Imkoniyat, mahorat va iqtidorgina o‘zini namoyon etgandagina xulosalarimiz, bahoyimiz haqqoniy bo‘ladi. Surxondaryo viloyat ko‘zi ojizlar maxsus kutubxonasi va UzKOJ viloyat bo‘limi, UzKOJ Termiz shahri bo‘linmasi bilan hamkorligida 18-30 yoshgacha nogironligi bo‘lgan ko‘zi ojiz zaif ko‘ruvchi yosh qizlar o‘rtasida o‘tkazilgan “Orasta qizlar” ko‘rik-tanlovi ham ishtirokchilarning mahoratini namoyon etib, munosib baholanishiga xizmat qildi.
Ishtirokchi qizlar 5 ta shart bo‘yicha bir-birlari bilan bellashdilar. Qizlarning o‘zlarini tutishlari, dunyoqarashlari, fikrlash doirasi yana bir bor sinovdan o‘tgan bo‘lsa, o‘zbek qizlarining nechog‘lik pazanda ekanliklari ham yana bir bor o‘z tasdig‘ini topdi. Sinovlardan saralangan qizlar ichida sherobodlik Surayyo Mahmudova 1-o‘ringa munosib ko‘rildi.
G‘oliblar diplom hamda sovg‘alar bilan taqdirlandilar.