Kadastrchilar uchun katta qulaylik

O‘zbekiston Respublikasi Iqtisodiyot va Moliya vazirligi huzuridagi Kadastr agentligi va Davlat kadastrlari palatasi faoliyatini yanada takomillashtirish chora-tadbirlari to‘g‘risidagi O‘zbekiston Respublikasi Prezidentining qaroriga ko‘ra, 2023-2026-yillarda Kadastr agentligi organlarida o‘lchash vositalari, zamonaviy kompyuter texnikasi, dasturiy taʼminot va boshqa texnikalar bilan taʼminlashning asosiy ko‘rsatkichlari yuzasidan 20 ta o‘lchov vositalari xarid qilingan.
Kadastrchilar uchun juda katta yangilik. Sohaning asosiy faoliyati yer o‘lchovi va hisobini aniq tahlil qilish maqsadida endilikda Surxondaryo viloyatining barcha tuman (shahar) filiallari xodimlari texnik uskunalarning eng so‘nggi rusumi bilan taʼminlanmoqda.
Ushbu asbob-uskunalarning barchasi yer va bino o‘lchashga moslashtirilgan, ammo rusumi turilicha. Bunga sabab, bajariladigan ish turlari deyarli bir xil, har xil ishlab chiqaruvchilar tomonidan ishlab chiqilgan. O‘lchov vositalarining ishlash vaqti 8 yoki 10 soatga yetadi. Bunda hududning ob-havosi, tog‘ va tog‘oldi, cho‘lli hududlarning hamda internet aloqasi past yoki umuman yo‘q bo‘lgan hududlar uchun mo‘ljallangan.