«HUMO AIR» MCHJ tomonidan yil boshidan shu paytga qadar 284 ta avia reyslar bekor qilingan hamda aviachipta xarid qilgan yo‘lovchilar pullarini qaytarib ololmagan. Raqobatni rivojlantirish va iste’molchilar huquqlarini himoya qilish qo‘mitasi ushbu holat yuzasidan o‘rganish ishlari olib bordi.
Ta’kidlanishicha, haqiqatan ham O‘rganish davomida aviakompaniya O‘zbekiston Respublikasi «Iste’molchilarning huquqlarini himoya qilish to‘g‘risida»gi qonunining tegishli moddasi buzilganligi aniqlandi. Jumladan, «HUMO AIR» MCHJga bugungi kungacha iste’molchilar tomonidan 3000 nafar murojaat kelib tushgan. Shundan 2000 nafar yo‘lovchining murojaatlari qanoatlantirilib, aviachipta uchun to‘lagan 1 milliard 500 million so‘m mablag‘ iste’molchilarga qaytarilishi ta’minlandi.
Aviakompaniya tomonidan parvozi amalga oshmagan yo‘lovchilarning ham mablag‘ini qaytarish choralari ko‘rilmoqda. Shuningdek, Raqobat qo‘mitasi foydalanilmagan aviachiptalar uchun iste’molchilarga to‘laqonli to‘lovlarni qaytarish bo‘yicha nazorat o‘rnatildi.
Dinara Qo‘zimurotova
