Bandixonda IT markazi ish boshladi

IT sohasiga e’tibor, qiziqish ortib bormoqda. Yoshlarning sohani o‘rganishga bo‘lgan talabi hududlarda IT markazlarining ochilishiga, malakali mutaxassislarning jalb etilishiga sabab bo‘layotir. Bandixon tumanida ham yoshlarning axborot texnologiyalaridan foydalanish ehtiyoji inobatga olinib, IT markazi ish boshladi.
Albatta, ushbu markazning ochilishi, foydalanishga topshirilishi tuman ahli uchun o‘ziga xos xursandchilik bo‘ldi. Marosimga tuman hokimi A.Allamuradov, IT PARK Surxondaryo MCHJ rahbari S.Nusratullayev, nuroniylar, yoshlar hamda mas’ullar ishtirok etdi.
Mazkur IT markazida yoshlar sifatli ta’lim va axborot texnologiyalariga oid bilimlarini mustahkamlaydi. Shu bilan birga ta’lim dargohida turli sohalardagi kurslarni topish mumkin. Qolaversa, faoliyatning dastlabki yillarida Web dasturlash, Front-end, Java, Backend, Mobil dasturlash, Kiberxavfsizlik, SMM, Mobilografiya, Grafik dizayn, Moushin dizayn, 3Dmax, Trading va boshqa aktual sohalardan ta’lim beriladi.