Taktik mashgʻulot oʻtkazildi

Bozorlarda, savdo nuqtalarida chiqadigan yong‘inlar shu tizimda tadbirkorlik qilayotganlarni sergaklantirib qo‘yishi aniq. Mablag‘ tikib, daromad olishni o‘ylagan paytida bari yonib kul bo‘lishidan yomoni yo‘q. Ana shunday holatlarning oldini olish maqsadida Surxondaryo viloyati Favqulodda vaziyatlar boshqarmasi tomonidan Jarqoʻrgʻon tumanidagi “Dehqon oziq-ovqat bozori” MCHJda amaliy o‘quv taktik mashg‘uloti o‘tkazildi.
Mashg‘ulot favqulodda vaziyatlar davlat quyi tizimi xizmatlari bilan hamkorlikda tunda sodir boʻlishi mumkin boʻlgan yongʻin va favqulodda vaziyatlarning oldini olishga qaratildi. Bunday mashg‘ulotlar favqulodda holatlarda qanday yo‘l tutish lozimligini, sarosima tushib qolmasdan harakatlanishga yordam beradi.