Loyiha yakunlansa, 600 xonadon elektr energiya bilan ta’minlanadi

Sanoat rivojlansa, xalq ehtiyoji va davlat rivoji uchun muhim qadam tashlanadi. Ayniqsa, hududlarda zamonaviy texnologiyalar asosiga qurilgan tayyor mahsulot ishlab chiqarish quvvatlarini rivojlantirishga xizmat qiladi. Bunda yoshlarning harakatlari, izlanishu mehnatlari katta samara berayotir. Uzun tumani “Istiqlol” MFY hududidagi kichik sanoat zonasida ham bu borada qizg‘in ish jarayonlari olib borilmoqda.
Tumanda 14,6 gektar maydonda 3 ta Kichik va 1 ta Yoshlar sanoat zonasi tashkil qilingan. Shulardan “Istiqlol” MFYdagi kichik sanoat zonasi har tomonlama qulay infratuzilmaga ega 5 gektar maydonda joylashgan bo‘lib, 22 ta lotdan iborat. Kichik sanoat zona hududida ayni vaqtda quyosh panellarini o‘rnatish ishlari davom etmoqda. Agar mazkur loyiha yakunlansa, qo‘shimcha 1 soatda 2000 kVt muqobil energiya ishlab chiqarishga erishiladi va kichik sanoat zonasi hamda 600 tadan ortiq xonadon elektr energiya bilan ta’minlanadi.