Ma’naviyat va ma’rifat maskani foydalanishga topshirildi

“Ma’naviyat sektori”ni tashkil etish bo‘yicha “Surxondaryo tajribasi”ni yaratish bo‘yicha harakatlar qizg‘in tus olgan. Berilgan taklifga javoban xalqimizning uyushqoqlik bilan yondashayotgani ma’naviy saviyamizni ko‘rsatib berayotgandek. Yoshlarda ham ayni shu ruhni singdirish maqsadida “Ma’naviyat sektori”ning tashkil etilishi, ularni mutolaaga, milliy qadriyatlarga, urf-odat va an’analarga oshno qiladi.
Shu sababdan ham boshlangan sa’y-harakatlar natijasida Angor tumanida ma’naviyat va ma’rifat maskani foydalanishga topshirildi. Maskanning ochilish marosimida tuman hokimi Qosim Mardonov, sektor rahbarlari, keng jamoatchilik vakillari hamda yoshlar ishtirok etdi. Marosim bahonasida maskandagi shart-sharoit bilan tanishildi. Yoshlarning bo‘sh vaqti unumli o‘tadigan ushbu maskanda o‘qishli adabiyotlarni topish bilan birga miriqib mutolaaga kirishish mumkin. Milliy qadriyatlarimizni o‘zida tarannum etgan burchak esa barchaning e’tiborini tortishi aniq.