31 mingga yaqin murojaatchi kadastr hujjatiga ega bo‘ldi

Bugungi kunda Kadastr agentligining Davlat kadastrlari palatasi tomonidan aholiga 10 ga yaqin davlat xizmatlari ko‘rsatilib, tizimga oid davlat xizmatlarini ko‘rsatish elektron tarzda amalga oshiriladi. Bunda har bir murojaat Davlat xizmatlari markazlari hamda Yagona interaktiv davlat xizmatlari portali orqali elektron ko‘rinishda qabul qilinib, ijrosi ta’minlanadi.
Surxondaryo viloyatida o‘tgan 2023-yilda fuqaro va tadbirkorlardan jami 45 495 ta kadastr pasporti shakllantirish yuzasidan arizalar kelib tushgan bo’lib, ulardan 1 942 tasi huquqiy hujjatlarini asli taqdim etilmaganligi sababli DXM tomonidan bekor qilindi, 12 402 tasi nizoli holatlar borligi, ko’rsatilgan yer maydoni qishloq xo’jaligi suvli yer maydonida turganligi, oldi-sotdi shartnomada manzil noto’g’ri ko’rsatilganligi sababli rad etildi. 291 tasining esa to‘lovi kutilmoqda, 30 654 ta murojaat yakunlangan hamda 206 tasi muddati o‘tgan hisoblanadi.
— Kadastr hujjatini tayyorlash yuzasidan eng ko‘p murojaat viloyatning Termiz shahri aholisidan kelib tushgan bo‘lib, murojaatlar soni 8 103 tani tashkil etadi, – deydi Boshqarma matbuot xizmati rahbari B.Safarov.