Ramazon fayzu baraka, rahmat va mag‘firat oyi. Bu oyda mehr-muruvvat, xayr-saxovat ishlari yanada rivoj oladi.
Xususan, Surxondaryo viloyatida ham keksalar, imkoniyati cheklangan kishilar, ehtiyojmand oilalar holidan xabar olinib, ularning moddiy va maʼnaviy taʼminotiga alohida eʼtibor qaratilmoqda.
Viloyat hokimi To‘ra Bobolov Qumqo‘rg‘on nogironligi bo‘lgan bolalar uchun muruvvat uyida bo‘lib, bu yerda bolajonlarga yaratilgan shart-sharoitlar bilan yaqindan tanishdi, tarbiyachilar bilan suhbatlashib, muammolarini o‘rgandi. Аniqlangan kamchiliklarni bartaraf etish bo‘yicha tegishli maʼsullarga ko‘rsatma va topshiriqlar berildi.
Surxondaryo viloyati hokimligi Matbuot xizmati
