G‘oliblar sharafiga sport maydonchasi qurildi

“Besh tashabbus” olimpiadasining g‘olibligini qo‘lga kiritish nafaqat g‘olibga, balki uning ortidan mahallasidagi yoshlar uchun ham foydali, ham manfaatlidir. Negaki, fikrimizni sho‘rchilik Hamida Jabborova misolida aytadigan bo‘lsak, u tumanning “Saksonkapa” mahallasida yashaydi. Ikki nafar farzandning onasi bo‘lmish Hamida “Besh tashabbus” olimpiadasining shashka musobaqasining respublika bosqichida ishtirok etdi va 2-o‘rinni, ayni shu mahallada yashovchi Ozodbek Usanov esa 3-o‘rinni egalladi.
Mahalladagi har ikkala yoshning g‘olibligi sharafiga 23- va 72-umumta’lim maktablarida street workout sport maydonchalari qurildi. Bundan esa butun mahalla yoshlari va maktab o‘quvchilari shod. Endi ular bo‘sh vaqtlarini mazmunli o‘tkazib, sport bilan mashg‘ul bo‘lishadi va jismonan chiniqishadi. Ajab emas, ana shu yoshlar orasidan ham chempionlar yetishib chiqsa…