“Obodonlashtirish oyligi” doirasida

Tozalik, ozodalik, sarishtalik bo‘lgan joyda fayz-u baraka bo‘ladi deyishadi yoshi ulug‘larimiz. Shuning uchun ham xonadonimizni doimo ozoda tutishga odatlanganmiz. Ko‘chalarimizni-da obod qilish maqsadida tez-tez hasharlar uyushtirib, ko‘pchilik birdamlikda tozalik ishlariga kirishamiz. Qolaversa, yurtimizda muhim sana va bayramlar oldidan ham hasharlar uyushtirib, chor atrof obodligiga o‘z hissamizni qo‘shib kelamiz. Shu maqsadda mamlakatimiz Mustaqilligining 32 yilligi munosabati bilan joriy yilning 30-iyulidan 30-avgustigacha “Obodonlashtirish oyligi” boʻlib oʻtayotir.
Oylik doirasida Termiz davlat universiteti hududida ham keng koʻlamli ishlar amalga oshirilmoqda. Universitet xodimlari hasharni bino atrofiga gul koʻchatlari va manzarali daraxt koʻchatlari ekish bilan boshladi. Atrof supurib-sidirildi, chang gʻuborlardan tozalandi, daraxtlarga shakl berilib, oqlandi. Bir soʻz bilan aytganda, oliygoh yangi oʻquv yilida talabalarni kutib olishga toʻliq tayyor holatga keltirildi.