Surxondaryo viloyati hokimi Ulug‘bek Qosimov Termiz shahrida qurilish va ijtimoiy infratuzilma sohasidagi loyihalar ijrosini o‘rganish ishlarini davom ettirdi. Tashrif davomida “Manguzar” mahallasida 504 o‘rinli o‘quv binosi, 222 o‘rinli yotoqxona va sport zaliga ega ixtisoslashtirilgan maktab qurilishi, shuningdek, Respublika shoshilinch tez tibbiy yordam markazining 80 o‘rinli qo‘shimcha binolari bunyodkorlik jarayonlari ko‘zdan kechirildi.
“Tinchlik” mahallasida tadbirkorlik subyektlari uchun yaratilgan yangi imkoniyatlar va savdo hamda maishiy xizmat obyektlari qurilishi ham o‘rganildi.
Shuningdek, “Surxon sohili” mahallasida “Temirchilik klasteri” loyihasi hamda mahalliy bozorni qurilish materiallari savdosiga ixtisoslashtirilgan majmuaga aylantirish rejalari muhokama qilindi. Qurilish ishlarini sifatli va o‘z vaqtida yakunlash bo‘yicha mas’ullarga aniq topshiriqlar berildi.
