Surxondaryo viloyatining tog‘li-rekreatsion hududlarida amalga oshirilayotgan yirik turizm loyihalari doirasida Sangardak turizm markazida xavfsizlik va infratuzilmani mustahkamlash ishlari boshlandi.
Viloyat hokimi Ulug‘bek Qosimov raisligida o‘tgan videoselektor yig‘ilishida loyihalar ijrosi muhokama qilinib, qurilish jarayonlarida hududning tabiiy relefi va xavfsizlik talablariga qat’iy rioya etish zarurligi ta’kidlandi.
Shuningdek, daryo qirg‘oqlarini mustahkamlash, sel yo‘llarini tozalash va suv oqimlarini xavfsiz yo‘naltirish bo‘yicha amaliy ishlar boshlab yuborildi. Mazkur choralar aholi va turizm obyektlarini suv toshqinlaridan himoya qilishga xizmat qiladi.
