Vazirlar Mahkamasi huzuridagi Migratsiya agentligi tashabbusi bilan mehnat migrantlari uchun imtiyozli sug‘urta tizimi yo‘lga qo‘yiladi.
Yangi mexanizm migrantlarning hayoti, sog‘lig‘i va moliyaviy xavflarini sug‘urta orqali himoya qiladi. Sug‘urta kompaniyalariga xorijda mehnat faoliyati davrida hayot va sog‘liq sug‘urtasi, hujjatlar rad etilishi hamda kreditlar qaytmasligi xavfini sug‘urtalash tizimini joriy etish tavsiya etildi.
Shuningdek, migrantlar uchun tibbiy sug‘urta polisi berilishi yoki ular bo‘lgan mamlakatda assistans xizmati orqali tibbiy yordam ko‘rsatish yo‘lga qo‘yiladi.
Ushbu tizim mehnat migrantlarining xavfsizligini ta’minlash, moliyaviy yo‘qotishlarning oldini olish va xorijda tibbiy yordamni osonlashtirishga xizmat qiladi.
