“Jajji nurli yulduzlar” respublika festivalining “Mo‘jizaviy kuylar” yo‘nalishida Boysun tumanidagi 2-sonli davlat maktabgacha ta’lim tashkiloti tarbiyalanuvchisi Sabrina Baxtiyarova faxrli 1-o‘rinni egalladi.
Kichkintoyimiz milliy cholg‘u asbobi — changqovuz sadolarida kuy ijro etib, tomoshabinlarga o‘zining san’atga bo‘lgan mehrini, iste’dodini va yuragidagi milliy ruhni tuhfa etdi. Uning chiqishi nafaqat hakamlar hay’atini, balki butun zalni hayrat va faxr tuyg‘ulariga to‘ldirdi.
Sabrinaning ushbu g‘alabasi yosh avlod orasida san’at va milliy qadriyatlarga muhabbatni yanada mustahkamlaydi.
