Davlat tashkilotlarida ish samaradorligini oshirish maqsadida tez orada yangi “Majlislarni boshqarish” elektron tizimi ishga tushiriladi. Ushbu tizim yig‘ilishlar jarayonini aniq rejalashtirish, nazorat qilish va natijadorligini oshirishga xizmat qiladi.
Shuningdek, amaldagi 1993-yilda qabul qilingan “Mahalliy davlat hokimiyati toʻgʻrisida”gi Qonun bugungi kun talablariga mos kelmagani bois, uning yangi tahrirdagi loyihasi ishlab chiqilishi belgilandi. Bundan tashqari, davlat boshqaruvini yanada takomillashtirish maqsadida 2026–2030-yillarga moʻljallangan nomarkazlashtirish strategiyasi ishlab chiqiladi.
Bu esa markaz va hududlar o‘rtasidagi vakolatlarni aniq taqsimlash hamda samarali boshqaruv tizimini shakllantirishda muhim qadam bo‘ladi.
