Ayni damda Qoraqalpog‘iston Respublikasi “Qo‘ng‘irot” tumanidan turli sohalarda faoliyat yuritayotgan yoshlar Surxondaryo viloyatining Angor tumanida boʻlib turibdi.
Qo‘ng‘irotlik yoshlar delegatsiyasini Angor tumani hokimi Qosim Mardonov hamda Yoshlar ishlari agentligi Angor tuman boʻlimi rahbari Mohira Musayeva tomonidan kutib oldi. Yoshlar ishlari agentligi Qo‘ng‘irot tumani bo‘limi rahbari Baxtiyor Saklapov rahbarligidagi yoshlar Angor tumanida amalga oshirilayotgan islohotlar, yoshlar siyosati, tadbirkorlik va innovatsion loyihalari hamda bir qancha ishlab chiqarish zavodlarida boʻlishdi. Mehmonlar tumandagi “Ilgʻor” mahallasi drayveri boʻlgan dehqonchilik obyektlari bilan tanishib tajriba almashdi.
Mazkur uchrashuvdan ko‘zlangan asosiy maqsad: yoshlar o‘rtasida tajriba almashish hamda o‘zaro hamkorlikni mustahkamlashdan iboratdir.
