Yurtimiz mustaqilligining 34 yilligi “Vatan uchun, millat uchun, xalq uchun!” shiori ostida munosib tarzda nishonlanishiga tayyorgarlik ishlari boshlandi. Shu maqsadda Surxondaryo viloyati hokimi Ulug‘bek Qosimov Termiz shahridagi “San’at saroyi” majmuasida madaniyat va san’at sohasi vakillari hamda mutasaddi tashkilotlar bilan uchrashib, bayram tadbirlariga tayyorgarlik holatini o‘rgandi.
Tashrif doirasida bayram dasturi, konsert ssenariylari va sahna dekoratsiyalarining taqdimoti bo‘lib o‘tdi. Dekoratsiyalarni milliy an’analar va estetik talablar asosida tayyorlash, ssenariylar mazmunini boyitish yuzasidan tegishli ko‘rsatmalar berildi.
