O‘zbekiston «Adolat» sotsial-demokratik partiyasi viloyat Kengashi tashabbusi bilan viloyat qon quyish markazida va uning hududiy bo‘limlarida «Bor mehrimiz senga, bolajon!» shiori ostida beg‘araz donorlik aksiyasi tashkil etildi.
Erta tongdan boshlangan mazkur aksiyada partiyaning barcha xodimlari, partiya a’zolari, xalq deputatlari tuman va shahar Kengashi deputatlari, partiya faollari hamda ko‘ngillilar, huquqni muhofaza qiluvchi organlar hamda boshqa turli soha vakillari, Milliy gvardiya viloyat Qo‘riqlash boshqarmasi xodimlari ishtirok etdi. Shuningdek, Jarqo‘rg‘on tumanida ham xayriya aksiyasi bo‘yicha tibbiyot xodimlaridan iborat sayyor brigadasi tashkil etilib, Jarqo‘rg‘on tumani Janubi g‘arbiy maxsus harbiy okrugi 54831-harbiy qismida ko‘ngilli harbiylar ham bemor bolajonlar uchun qon topshirdi.
Bolalarning salomatligiga qaratilgan aksiya viloyat bo‘ylab qizg‘in davom etyapti.
Gulshod Tursoatova
