Surxondaryo viloyati hokimi Ulug‘bek Qosimov Termiz shahridagi kichik sanoat zonasida amalga oshirilayotgan investitsiya loyihalari faoliyati bilan tanishdi. Tashrif davomida ishlab chiqarish jarayonlari ko‘zdan kechirilib, tadbirkorlarni qo‘llab-quvvatlash, mavjud muammolarni bartaraf etish hamda ishlab chiqarish quvvatlarini kengaytirish masalalari muhokama qilindi.
Shuningdek, tumanlardagi Kichik va Yoshlar sanoat zonalari bilan videokonferensaloqa orqali muloqot o‘tkazilib, tadbirkorlar tomonidan yer ajratish, infratuzilmani yaxshilash va loyihalarni moliyalashtirishga oid takliflar ko‘rib chiqildi.
Muhokamalar yakunida sanoat zonalarida yangi investitsiya loyihalarini jadallashtirish, ishlab chiqarishni kengaytirish hamda yangi ish o‘rinlari yaratish bo‘yicha mutasaddilarga aniq vazifalar belgilandi.
