Surxondaryo viloyati hokimi Ulug‘bek Qosimov “Bovillus Finance” kompaniyasi rahbari Ojas Kikani bilan onlayn muzokara o‘tkazdi. Unda “PRB Investment Co” kompaniyasi rahbari Payravsho Rahmatulloyev hamda tegishli tashkilotlar vakillari ham ishtirok etdi.
Muloqot davomida Boysun tumanida “PRB Investment Co” tomonidan amalga oshirilayotgan sement ishlab chiqarish loyihasini kengaytirish hamda metall va cho‘yan buyumlari ishlab chiqarishga qaratilgan yangi investitsiya tashabbuslari muhokama qilindi.
Uchrashuv yakunida loyihalarni hamkorlikda amalga oshirish bo‘yicha kelgusidagi chora-tadbirlar belgilandi. Mazkur tashabbuslar hudud sanoatini rivojlantirish, yangi ish o‘rinlari yaratish va viloyatga investitsiyalar oqimini oshirishga xizmat qilishi bilan ahamiyatlidir.
