“Yurt obodligi, avvalo, mahalladan boshlanadi!” shiori ostida o‘tkazilayotgan umumxalq xayriya hashari Boysun tumanining barcha mahalla va qishloqlarida, shuningdek mehnat jamoalarida erta tongdan boshlab yuborildi.
Hashar davomida ko‘chalarni tozalash, daraxt ekish, mahalla hududlarini obodonlashtirish, qabriston va ziyoratgohlarda tartibga keltirish ishlari amalga oshirilmoqda. Ushbu ezgu tadbirlarda aholining turli qatlamlari faol ishtirok etib, yurt obodligi va mahallalar ravnaqiga o‘z hissalarini qo‘shmoqda.
