Prezident topshiriqlari ijrosini ta’minlash maqsadida Surxondaryo viloyati hokimi Ulug‘bek Qosimov tashqi ishlar vazirining birinchi o‘rinbosari hamda mamlakatimizning Yaponiya, Xitoy, Ukraina, Qatar va Afg‘onistondagi Favqulodda va muxtor elchilari ishtirokida videokonferensiya o‘tkazdi.
Muloqot davomida savdo-iqtisodiy va investitsiyaviy hamkorlikni kengaytirish, eksport salohiyatini oshirish, xorijiy investitsiyalarni jalb etish hamda turizm sohasida qo‘shma loyihalarni amalga oshirish masalalari muhokama qilindi.
Uchrashuv yakunida har bir davlat bilan hamkorlikni rivojlantirishga qaratilgan aniq taklif va tashabbuslar belgilab olinib, Surxondaryo viloyatining iqtisodiy salohiyatini yanada oshirishga xizmat qiladigan ustuvor yo‘nalishlar bo‘yicha kelishuvlarga erishildi.
