Bolalarda mantiqiy tafakkur, diqqat va strategik fikrlash ko‘nikmalarini rivojlantirishda shaxmat o‘yinining roli beqiyosdir. Shu maqsadda Termiz shahridagi Yoshlar markazida viloyatimizdagi maktabgacha ta’lim tashkilotlarining o‘g‘il va qiz bola tarbiyalanuvchilari o‘rtasida shaxmat musobaqasi bo‘lib o‘tyapti.
Musobaqada tuman va shahar bosqichlarida g‘oliblikni qo‘lga kiritgan jami 30 nafar tarbiyalanuvchi ishtirok etmoqda. Tadbir bolalarni mantiqiy fikrlash, diqqatni jamlash va strategik qarorlar qabul qilish ko‘nikmalarini mustahkamlashga xizmat qiladi.
Shuningdek, bunday musobaqalar yosh avlodni sog‘lom raqobat ruhida tarbiyalash, jamoaviylik va intizom tuyg‘usini oshirishda ham muhim ahamiyat kasb etadi. Musobaqaning yakuniy natijalari bolalarning ijodiy va intellektual salohiyatini yanada rivojlantirishga xizmat qiladi.
