Oltinsoy tumanidagi 1-son texnikumida sog‘lom turmush tarzini targ‘ib qilish, aholi o‘rtasida ekologik madaniyatni yuksaltirish hamda jismoniy faollikni oshirish maqsadida O‘zbekiston Respublikasi Ekologik partiyasi Oltinsoy tumani bo‘limi tomonidan “5000 qadam” aksiyasi tashkil etildi.
Mazkur aksiyada partiya faollari, yoshlar, texnikum o‘qituvchi va talabalari, shuningdek tashkilot va muassasa xodimlari hamda faol fuqarolar ishtirok etdilar. Ishtirokchilar belgilangan yo‘nalish bo‘ylab birgalikda yurib, sog‘lom turmush tarzining ahamiyati hamda atrof-muhitni asrash masalalari yuzasidan fikr almashdilar. Tadbir davomida aholi o‘rtasida ekologik madaniyatni oshirish, tabiatni asrab-avaylash va atrof-muhit tozaligini ta’minlash har bir fuqaroning burchi ekani ta’kidlandi.
Bunday tadbirlar fuqarolarni sog‘lom hayot tarziga undash, jamiyatda ekologik ong va mas’uliyatni yanada kuchaytirishga xizmat qilmoqda.
