Adliya vaziri Akbar Tashkulov Bandixon tumaniga xizmat safari doirasida tuman adliya bo‘limi faoliyati bilan yaqindan tanishdi. Tashrif davomida adliya bo‘limi, yuridik xizmat ko‘rsatish markazi, davlat xizmatlari markazi hamda FHDY bo‘limi xodimlari bilan muloqot o‘tkazilib, fuqarolar va tadbirkorlarga ko‘rsatilayotgan huquqiy xizmatlar sifatini oshirish masalalari muhokama qilindi.
Shuningdek, davlat xizmatlari ko‘rsatishda uchrayotgan muammolar tahlil qilinib, ularni bartaraf etish bo‘yicha taklif va tavsiyalar berildi. Xodimlarga shaxsiy mas’uliyat, kasb etikasi hamda fuqarolar bilan samarali muloqot ko‘nikmalarini kuchaytirish yuzasidan tegishli ko‘rsatmalar berildi.
