Muborak Ramazon oyi munosabati bilan Sho‘rchi tumanida xayrli tadbirlar davom etmoqda. Shavkat Mirziyoyev tashabbusi hamda O‘zbekiston Respublikasi Tashqi ishlar vazirligi homiyligida tumanda iftorlik tadbiri tashkil etildi.
Iftorlik dasturxoniga nuroniy otaxon-onaxonlar, ehtiyojmand oila vakillari, mahalla faollari hamda jamoatchilik vakillari taklif etildi. Tadbir davomida Ramazon oyining insonlar o‘rtasida mehr-oqibat, saxovat va bag‘rikenglik kabi ezgu fazilatlarni mustahkamlashdagi o‘rni alohida ta’kidlandi.
Iftorlik jarayonida yurtimizda tinchlik va osoyishtalik bardavom bo‘lishi, xalqimizning birlik va hamjihatligi yanada mustahkamlanishi tilab duolar qilindi.
Bunday ezgu tadbirlar jamiyatda inson qadrini ulug‘lash, muhtojlarga ko‘mak berish hamda milliy qadriyatlarimizni yanada mustahkamlashga xizmat qilayotgani bilan ahamiyatlidir.
