Uzun tumanidagi ixtisoslashtirilgan maktabda matbuot anjumani bo‘lib o‘tdi. Unda viloyat Maktabgacha va maktab ta’limi boshqarmasi boshlig‘i Xusniddin Mamadiyev hamda viloyatdagi 10 million va 20 million so‘mdan ortiq maosh olayotgan ilg‘or pedagoglar ishtirok etdi.
Tadbir davomida yuqori natijalarga erishgan o‘qituvchilarning shaxsiy tajribalari, ularning yutuqlari va bu marralarga qanday erishilganligi atroflicha muhokama qilindi.
Matbuot anjumani davomida jurnalistlar, blogerlar va ta’lim sohasi vakillari o‘zlarini qiziqtirgan savollariga boshqarma boshlig‘i Xusniddin Mamadiyevdan atroflicha javob olishdi.
