Termiz shahrida joylashgan Ro’zi Choriyev nomidagi Surxondaryo ixtisoslashtirilgan san’at maktab-internatida “Besh tashabbus olimpiada”si doirasida “Yosh musavvir” tanlovining viloyat bosqichi o’tkazildi.
Tanlovda 2 ta 12-17 va 18-30 yosh toifalarida 15 ta tuman va shahardan jami: 30 nafar yosh ishtirok etdi. Berilgan shartlarga koʻra ishtirokchilarga “Qadriyat, urf-odat an’ana va yoshlar” mavzusida ijodiy ish yaratish uchun 3 soat vaqt ajratildi.
Vaqtdan unumli foydalangan yoshlar bor mahoratlarini ishga soldilar. Har bir suratda qadriyatlarimiz, goʻzal irf-odatlarimiz aks etdi. Ayniqsa, ranglar uygʻunligi tasvirni yanada taʼsirchan chiqishiga xizmat qildi.
Yakunda 12-17 yosh toifasida sherobodlik Mavlon Ravshanov, 18-30 yosh toifasida ham Sherobod tumanidan Abdurahim Ochilovlar 1-oʻrinni qoʻlga kiritishdi.
