Tibbiyot sohasida amalga oshirilayotgan islohotlar sabab bugungi kunda eng chekka hududlargacha tibbiy xizmat sifati yaxshilanmoqda. Aholi salomatligini asrash, kasalliklarni barvaqt aniqlash maqsadida barcha shart-sharoitlar yaratilmoqda. Qayerda, qanday muammo bor, yechimini kutayotgan muammo bor, ayni jihatlarga qiziqqan Sog‘liqni saqlash vaziri Asilbek Xudoyorov Angor tumanida bo‘lib, sohada olib borilayotgan ishlar bilan tanishdi.
Dastlabki manzil tumandagi “Qo‘zi To‘lakov” oilaviy poliklinikasi bo‘ldi. Mazkur oilaviy poliklinikada Bahor va Ilg‘or mahallalarida yashovchi 9141 nafar aholiga tibbiyot xizmat ko‘rsatiladi. Poliklinikada tor soha mutaxassislari stomatolog, ginekolog, xirurg hamda UTT mutaxassislari faoliyat olib boradi. Vazir poliklinikada yaratilgan sharoitlar bilan tanishdi. Shuningdek, patranaj hamshiralari bilan suhbatlashdi.
Shundan so‘ng, Angor tumani hokimligi majlislar zalida tibbiyot xodimlari bilan uchrashuv bo‘lib o‘tdi. Unda Sog‘liqni saqlash vaziri Asilbek Xudoyorov, viloyat hokimi o‘rinbosari Ilhom Safarov hamda soha vakillari ishtirok etishdi. Uchrashuv davomida tibbiyot sohasida Surxondaryo viloyatida olib borilayotgan ishlar muhokama qilindi. Aniqlangan kamchiliklarni bartaraf etish bo‘yicha tavsiya va topshiriqlar berildi.
Uchrashuv yakunida sohasida samarali mehnat qilayotgan tibbiyot xodimlariga tashakkurnoma va sovg‘alar berildi. Shuningdek, viloyatning shahar va tumanlarida faoliyat olib borayotgan patranaj hamshiralariga elektromopedlar topshirildi.
Sog‘liqni saqlash vaziri Angorda
Date:
Tavsiya qilamizRelated
Doʻstlik va hamjihatlik qadri ulugʻlandi
Millatlararo totuvlik, o‘zaro hurmat va bag‘rikenglik jamiyat barqarorligi hamda...
O‘zbekiston haqidagi xolis nigoh
O‘zbekistonning boy tarixi, ma’naviy merosi va bugungi taraqqiyotini xalqaro...
Janubda “Shukronalik darslari” o’tkazildi
Janubi-g'arbiy maxsus harbiy okrug tasarrufidagi Termiz, Kakaydi va Hayrabod...
Deputat tashabbusi
Oltinsoy tumanining “Yangiqurilish” mahallasi aholisi tomonidan toza ichimlik suvi...
