Bir yo‘la 54 ta mahalla…

“Mahalla yettiligi” zimmasiga katta mas’uliyat va vazifalar yuklangan. Bu ulardan sidqidildan ishlashni, xalq uchun xizmatda bo‘lishni talab etadi. Ular uchun barcha shart-sharoit va imkoniyatlar, qulayliklar yaratilgan, yaratib berilayotir. Kutilayotgani esa faqat natija, xalq turmushini yaxshilash, hayotini farovonlashtirishni maqsad qilish.
Shart-sharoit deganda, birinchi navbatda, “mahalla yettiligi”ning munosib idorada ishlashidir. Shu jihatdan, Surxondaryo viloyatida o‘z binosiga ega bo‘lmagan mahallalarning 54 tasiga yangi bino foydalanishga topshirildi. Surxondaryo viloyati hokimi Ulug‘bek Qosimov Sariosiyo tumani “Sebzor” mahallasida yangi bino ochilishi tadbirida ishtirok etdi. Shu yerning o‘zidan viloyatimizning shahar va tumanlaridagi mahallalarning yangi binolari ochilishi “Zoom” platformasi orqali onlayn shaklda o‘tkazildi.