Mahalla quvonchli kunida ham, boshida ish tushsa ham mahallaga boradi. Albatta, mahallada barcha shart-sharoitlar yaratilgan bo‘lsa, fuqaroning ham eshik qoqqan manzilida ishi hal bo‘lishiga ishonadi. Aks holda, o‘ziga sharoit qilolmaydigan joyda fuqarolarga qanday ko‘mak qila olishi mumkin degan taassurot uyg‘onishi aniq.
Mahallalarda zarur qulayliklar yaratilib, obod manzilga aylanayotganining sababi ham shunda. Mahalla jamiyatda tinchlik-totuvlik, o‘zaro hurmat, mehr-oqibat va hamjihatlik muhitini mustahkamlash, oilalar jipsligini ta’minlash, sog‘lom va barkamol avlodni tarbiyalash, aholining kundalik muammolarini hal etishda xalqimizga eng yaqin ijtimoiy tuzilma axir.
Aholining ijtimoiy, iqtisodiy hayotini yaxshilash, mahallalarning yangicha ko‘rinishdagi guzarlarini bunyod etish bo‘yicha samarali ishlar olib borilmoqda. Angor tumanida ham yangi, zamonaviy mahalla guzarlari qurilish ishlari olib borilyapti. Jumladan, “Karvon” hamda “Tallashqon” mahallalarining yangi binosi qurilib, hozirda oqlash, bo‘yash ishlari olib borilmoqda.
Yangi mahalla binosi qurilmoqda
Date:
