Muhimi ishtirokmi?

Sport inson hayotining mazmuniga aylansagina, u muhim ahamiyat kasb etadi. Aks holda sportda muvaffaqiyat qozonish qiyin. Qolaversa, hayotda bo‘lgani kabi sportda ham muvaffaqiyat va mag‘lubiyatning orasi bir qadam bo‘ladi. G‘alaba motivatsiya berishi rost, ammo mag‘lubiyat ham saboq bo‘lishi, yanada qat’iyroq o‘z ustimizda ishlashimiz lozimligini anglatadi.
Gonkong shahrida dzyudo bo‘yicha kattalar o‘rtasida bo‘lib o‘tgan Osiyo chempionati musobaqasi ham sportchilar uchun ham saboq, ham motivatsiyaga boy bo‘ldi. Muhimi ishtirok degan haqiqatga tayangan yoshlar o‘zlarini sinab, bor mahoratlarini ishga soldilar. Musobaqaning ayollar bahsida 70 kilogramm vazn tofasida ishtirok etgan jarqo‘rg‘onlik dzyudochi Shohista Nazarova 3-o‘rin bilan bronza medaliga sazovor bo‘ldi. Shohista sira bundan xafa bo‘lmadi, qaytamga yanada kuchliroq tayyorlanib, kelgusida g‘alaba uchun kurashishini ko‘ngliga tugib qo‘ydi.