Mutolaa shunday zavqli jarayonki, beixtiyor voqealar rivojiga qiziqib ketganingizdan, xayolot olamingizda qahramonlar, voqealar jonlana boshlaydi. Xuddi ajoyib film tomosha qilayotgandek bo‘lasiz. Qahramonlar bilan birglikda quvonasiz, sinovli damlarida qayg‘uga botib, ko‘z yoshlaringizni tiya olmaysiz. Kitobni o‘qib tugatsangiz-da, asar taassurotlari sizni ancha vaqtgacha tark etmaydi…
Ha, mutolaa ana shunday yoqimli mashg‘ulot. Biroz muddat qo‘lingizga kitob tushmasa, zerikadigan, mutolaani qumsaydigan bo‘lasiz. Kitob nafaqat zavq beradi, u muallimdek sizga qanday yashashni, turli vaziyatlarda qanday yo‘l tutishni o‘rgatadi. Ma’naviyatingizni, dunyoqarashingizni yuksaltiradi. Demak, har birimiz qay yoshda bo‘lmaylik, o‘qishni kanda qilmasligimiz kerak. Mutolaa biz uchun zarurat bo‘lmog‘i lozim.
Ayni jihatlarni hisobga olgan Sariosiyo tuman prokurori, 2-sektor rahbari B.Oltibayev yaxshi bir tashabbus bilan chiqdi. Prokuror sektor hovlisida aholini, xususan, yoshlarni bo‘sh vaqtlarini mazmunli o‘tkazish, ularni ma’naviy salohiyatini va kitobga bo‘lgan qiziqishlarini oshirish maqsadida ma’naviyat kitobxonasi tashkil etdi.
Kutubxona fondiga yangi adabiy, badiiy va ilmiy kitoblar kiritildi.
“Kitobxona” tashkil etildi
Date:
