Kitobxonlikni ommalashtirish maqsadida

Date:

Inson hayotida kitobning o‘rni muhim, kitob o‘qigan insonning dunyoqarashi keng, salohiyatli bo‘ladi. Bundan tashqari, kitob inson xotirasini mustahkamlaydi. Har birimiz qaysi kasb egasi bo‘lmaylik, sharoitimizdan kelib chiqib, kitob bilan muayyan darajada muloqotda bo‘lamiz.
Albatta, kitob o‘qish inson uchun muvaffaqiyat va saodat eshiklarini ochuvchi kalitdir. Ilm izlash, kitob, gazeta va jurnallarni mutolaa qilish insonning dunyoqarashini kengaytirib, o‘ziga xos zavq bag‘ishlaydi. Zero, ko‘p o‘qigan, bilimdon insonning umuman o‘qimagan yoki kam o‘qiydiganlardan har sohada imkoniyat doirasi kengroq bo‘ladi.
Yoshlarni kitobga qiziqishini oshirish maqsadida kitobxonlik tanlovlari o‘tkazilib, g‘oliblar munosib taqdirlanib kelayotgani bejiz emas. Surxondaryo viloyati prokuraturasi tomonidan “Prokuratura organlarida ma’naviy-ma’rifiy ishlarni tashkil etish” Konsepsiyasiga muvofiq tasdiqlangan dastur asosida xodimlar uchun ma’naviy-ma’rifiy tadbirlar o‘tkazib kelinmoqda.
Xususan, viloyat prokuraturasi tomonidan haftaning har juma kunlari “Ma’naviyat kuni” etib belgilanib, kitobxonlikni keng ommalashtirishga qaratilgan normativ-huquqiy hujjatlar ijrosini ta’minlash, xodimlar o‘rtasida kitobxonlikni keng ommalashtirish, “kitobsevar millat” umummilliy g‘oyasini ro‘yobga chiqarish maqsadida Termiz shahridagi Adib Sobir Termiziy nomidagi kutubxonada ma’rifiy tadbir o‘tkazildi. Xodimlar ushbu kutubxona faoliyati, kitobxonlarga yaratilgan shart-sharoitlar bilan yaqindan tanishib, o‘zlarini qiziqtirgan savollarga javob oldilar.
Ushbu yo‘nalishdagi tadbirlar davom ettirilmoqda.

D.Mahmudova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Tizimda yangi choralar belgilandi

O‘zbekiston Respublikasi Prezidentining 2025-yil 3-yanvardagi “2025-yilda respublika mahallalarida xavfsiz...

Mahalla muammolardan holi hududga aylanadimi?

“Huquqiy mahalla” loyihasi doirasida viloyatning shahar va tumanlaridagi mahallalari...

MAROSIMLAR MAROMIGA YETDI

Soya-salqinda, yam-yashil maysazor ustida sochlarini qirq kokil qilib, do‘ppi...

SHIRIN TASHVISHLARGA BOSHLAYDI, LAPAR

Navro‘z milliy urf-odatlarimiz, an’analarimiz tarannum etiladigan ayyomdir. Onamizning shirali...
KunTun
KunTun