“Karyera kuni”: 120 nafar fuqaro ishga joylashdi

Yoshlikdan maqsadni va marrani katta olamiz. Qiziqishlarimiz baland bo‘lgan kasb yoki sohani qunt bilan egallashga, bor iqtidorimizni safarbar etishga urinamiz. Asosiysi, o‘z karyeramiz bilan elda e’tibor qozonishni, ardoqlanishni istaymiz. Astoydil harakat qilgan esa bu maqsadiga yetishi aniq. Asosiysi birinchi qadamni tashlashda.
Denov tumanida “Karyera kuni” munosabati bilan tashkil etilgan mehnat yarmarkasida o‘z karyerasini boshlamoqchi bo‘lgan yoshlar ishtirok etdi. Ularga tumanda faoliyat yuritib kelayotgan byudjet tashkilotlari va sanoat korxonalaridan 465 dan ziyod bo‘sh ish o‘rinlari va vakant lavozimlari taklif etildi.
245 nafar ishsiz fuqaroning barchasi o‘zlari uchun ma’qul bo‘ladigan munosib ish qidirdi va ularning 120 nafari ishga joylashdi. Shuningdek, qolgan 125 nafar ishsiz fuqaroga ham kerakli huquqiy tushuncha va maslahatlar berildi.