Aholini sifatli dori-darmonlar bilan ta’minlash, talab yuqori bo‘lgan dori vositalarini mahalliylashtirish, davolanish standartlari asosida tibbiy xizmat ko‘rsatish bugungi kun talabi va zaruratidir. Viloyat hokimligida tibbiyot sohasi mutasaddilari hamda farmasevtlar ishtirokida boshlangan yig‘ilishda ayni yo‘nalishdagi mavjud muammolar muhokama qilindi.
Yig‘ilish davomida bemorlarga davlat shifoxonalarida mavjud diagnostika va laboratoriya tekshiruvi xizmatlari ko‘rsatilmasdan, xususiy klinikalarga yuborilayotganligi, bundan ayrim insofsiz tibbiyot xodimlarining manfaatdor bo‘lib kelayotganligi hamda davolanish chog‘ida fuqarolarga bepul berilishi kerak bo‘lgan dorilar sotilayotganligi tanqid qilindi.
Mutasaddilarga davolash-profilaktika muassasalarida nazoratni kuchaytirish, farmasevtika tarmog‘ini rivojlantirish, talab yuqori bo‘lgan dori-darmonlarni mahalliylashtirish bo‘yicha chora-tadbirlar belgilab berildi.
