Qoidalarga o‘zgartirish kiritildi

Har birimiz qanday ish qilmaylik, eng avvalo, insonmiz. Aybimiz, huquqbuzarligimiz ham shaxsiyatimizga putur yetkazishga asos bo‘la olmaydi. Eng avvalo, qonunlarimiz bunga yo‘l qo‘ymaydi. Jazoni ijro etish muassasalarida jazo muddatini o‘tayotgan mahkumlar hamma bilan bir huquq va imtiyoz, imkoniyatlarga ega bo‘lishi lozim.
Ayni maqsadni ko‘zlagan holda Ichki ishlar vazirligi “Ichki ishlar vazirligi ozodlikdan mahrum qilish turidagi jazoni ijro etish muassasalarining ichki tartib-qoidalariga o‘zgartirish va qo‘shimchalar kiritish to‘g‘risida”gi idoralararo buyruq loyihasini muhokamaga qo‘ydi.
Hujjat loyihasi bilan jazoni ijro etish muassasalarida jazo muddatini o‘tayotgan mahkumlarning saylov jarayonida ishtirok etishga bo‘lgan huquqi yoritilib, nikoh, oila va fuqarolik holati dalolatnomalarini qayd etish jarayonlari takomillashtirilmoqda hamda manzil-koloniyalarda jazoni o‘tayotgan ozodlikdan mahrum etishga hukm qilingan shaxslar pensiya tayinlash yuzasidan Adliya vazirligi davlat xizmatlari markazlari orqali murojaat etish huquqi kiritilmoqda.